КЕЛ
= етістік. 1. Белгілі бір орыннан бері қарай жүру, бет алу, жақындау, жуу, жылжу. 2. ауыспалы мағына. Адам жасының белгілі бір мөлшерге жетуі, толуы. 3. ауыспалы мағына. Пайда болу, бір әрекетке зауқы соғу, ынталы болу. 4. «Бол» сөзінің мағынасында. 5. «Түсті», «тиді», «айналды» етістіктерінің мағынасында. 6. Негізгі етістіктер мен есім сөздердің жетегінде айтылып, көмекшілік қызмет атқарады, қимылдың сипатын білдіреді. 7. Етістік сөздердің жетегінде келіп, оларға күшейтпелі мағына қосады. Келер күн. Болашақ, алдағы өмір. Келер күн не дайындайды? поэтикалық. Болашақта қалай болады, алдында қандай өмір, өзгеріс тұр екен деген мағынада. Келер шақ. лингвистикалық. Істің келешекте болатынын білдіретін етістік шағы. Келетін бәле жоқ. Ешқандай зиян, қорқыныш жоқ. Келмеске кетті. а) Құрыды, жойылды. ә) Дүниеден өтті, өлді. Кел мұндалады. Өзіне тартты, еліктірді. Келсең келдің өзі. Ешнәрседен тайынбайтын, ерегіске құмар, шешінген судан тайынбас кісі.