ИПОТЕКАЛЫҚ
сын есім. экономикалық. Ипотекаға қатысты, соған тән. Ипотекалық банк. экономикалық. Орнықты мүлікті (жер, үй, құрылыс) кепілдікке алып, ұзақ мерзімге ақшалай несие беретін, сондай-ақ қозғалмайтын мүлікті кепілдікке беруді қамтамасыз ететін кепілдік қағазын шығаратын несиелік мекеме. Ипотекалық кепілзат. экономикалық. Несиені қамтамасыздандыру ретінде бағалы қағаздарды кепілге салу; кепілдік шотындағы дебеттік қалдықты сақтандыру. Ипотекалық кепілхат. экономикалық. Банк қарызгерге беретін орнықты мүлік кепілі туралы борышқорлық міндеттеме. Ипотекалық куәлік. экономикалық. а) Заңды иеленушініңқұқығын куәландыратын ордерлік бағалы қағаз. ә) Негізгі міндеттемені орындауға арналған бағалы қағаз. б) Негізгі міндеттемені орындау мақсатымен кепілге салынған мүлікке өндіріп алу шарасын қолдануға арналған бағалы қағаз. Ипотекалық несие. экономикалық. Несиегері банктер болып табылатын тұрғынүй алу үшін жеке тұлғаларға белгілі бір шарттар бойынша берілетін қарыз түрі. Ипотекалық облигация. экономикалық. Орнықты мүліктермен қамсыздандыру шартымен шығарылатын және тұрақты пайыз әкелетін ұзақ мерзімді бағалы қағаз. Ипотекалық рынок. экономикалық. Несие капиталдары рыногының құрамдас бөлігі. Ипотекалық сертификат. экономикалық. Сатып алынатын, сатылатын, кепілге салынатын кепілзаттық куәлік, бағалы қағаз түрі.