ШҰҒЫЛ
үстеу. 1. ресм и. Тез, тығыз, жедел. 2. Дереу, бірден. 3. Кенет, кілт, аяқ астынан. Шұғыл берілетін мәлімет. әскери сөз. Өз әскерлерінің қимылдары, жағдайы, орны және әдетте өткен тәуліктегі қарсыласы туралы мәлімет берілетін құрама (бірлестік) штабының жауынгерлік есептікақпараттық құжаты. Шұғыл бүркеніш. әскери сөз. Әскердің алда тұрған қимылы, операция мақсаты, аумағы, уақыты мен қарудың жаңа түрлерін қолдану сипатына қатысты қарсыласты жаңылыстыру мақсатында жүргізілетін әртүрлі шаралар жиынтығы. Шұғыл желі. әскери сөз. Тікелей байланыс. Шұғыл өңдеу. информатикалық. Берілген уақыт ішінде аяқталуға тиіс мәліметтерді өңдеу ісі. Шұғыл дауыссыздар. лингвистикалық. Айтылу жолына қарай фонациялық ауаның шұғыл үзіліп шығуынан пайда болатын дауыссыз дыбыстар. Шұғыл тапсырмалы десант. әскери сөз. Ядролық қару алаңдарын басып алу, шабуылға шыққан негізгi күшке көмектесіп, жаудың ту сыртынан соққы беру, қоршауға алу, аралдарды, теңіз жағалауларын басып алып, негізгi күш келіп жеткенше ұстап тұру т. с. с. майдандық көлемдегi аса маңызды жауынгерлік тапсырмаларды орындайтын арнайы әскери бөлім.