ЖАМПОЗ
зат есім. 1. Нар мен айыр түйенің арасынан шыққан асыл тұқымды түйе. 2. ауыспалы мағына. Жігіттің төресі, арланы, ардақтысы. // Биік, үлкен. // Жүйрік, жүрдек. // Сұлу, сылқым (әйел). // Өткір, алғыр, пысық. Жампоз атан. жергілікті сөз. Ақта етілген айыр түйенің бес жастан басталатын атауы. Жампоз бота. жергілікті сөз. Жампоз інген мен жампоз бурадан туылған, дене бітімі көзге ерекше сезілетін, тік, тең қос өркеш, құс тұмсық, барынша сүйімді бота. Жампоз өркеш. жергілікті сөз. Тең өркеш, айырдың жампозы атанатын өркеші. Жампоз інген. жергілікті сөз. Бес жастан асқан таза нәсілді ұрғашы айыр түйенің ең таңдаулысы (күшке де, өнімділікке де, мінез бен жүріске де мақтаулысы).