ЕСЕК
1омоним зат есім. 1. Жылқыдан аласа, құлағы үлкен, күтімді онша қажет етпейтін азық талғамайтын, құрғақшылыққа төзімді көлік малы. 2. зоологиялық. Жылқы туысына жататын сүтқоректі тақтұяқты жануар. 3. ауыспалы мағына. Ақымақ, миғұла, кеще (адам). 4. ауыспалы мағына. Қырсық, қыңыр (адам). Есек арба. Есек жегуге лайықталған арба. Есек бесеке [ үміт ]. Әулекі, есірік, бос бесеке, үміт. Есек деме. Құрғақ қиял, орынсыз үміт, емексу. Есек демеленді. Жоқтан үміттенді, босқа демеленді. Есек дәмелендірді. Жоқтан үміттендірді. Есек демелі. Жоқтан үміткер. Есекке үкі таққандай. Жарасымсыз қылық, орынсыз мақтауға байланысты айтылады. Есек құрты мұрнынан түсті. сөйлеу.кекесін. Болыптолды, жетісті. Есек миын жеген. сөйлеу. Ақылсыз, мисыз. Есек миын жеді. Ақымақ болды, ақылы айныды. Есек мінез. Қасарыспа, кертартпа, қыңыр мінез. Есектен де жуас. Момын, көнбіс. Есектің к... ін жусаң да, мал тап. Жұмыстың жақсыжаманына қарамай, арланбай кәсіп істе. Есектің миын жегенсің бе? кейіс. Ақылың орнында ма, ақымақсың ба? Есектің мойнына байлап жіберді. Мазақ етті, күлкі етті.