ТҰҚЫМ
1омоним зат есім. 1. Әртүрлі дақылдар мен өсімдіктердің өсіп-өну, көбею негізі; дән, ұрық. 2. Малдың, түліктің белгілі, асыл тегі. 3. ауыспалы мағына. Үрім-бұтақ, ұрпақ, бала. 4. Ататек, ру. 5. Үрім-бұтақ, тумыс, қан. Тұқым дәрілеу. егіншар. Себілетін (отырғызылатын) материалды ішкі және сыртқы өсімдік ауруларынан, егістікке себілген тұқымды және көктеп шыққан өскінді топырақ зиянкестері мен ауру таратушы микроорганизмдерден қорғау үшін химиялық заттармен зарарсыздандыру. Тұқым қуалады. биологиялық. Ағзаның өзіндік белгілері мен даму ерекшеліктері кейінгі ұрпаққа өтті, жалғасты. Тұқым қуалайды. Үрімбұтағына ауысып отырады, ұрпақтанұрпаққа беріледі. Тұқым қуалайтын аурулар. медициналық. Атааналарынан ұрпақтарына берілетін аурулар. Тұқымына жетті. Өте ұзаққа созылды, балаға мирас боды. Тұқымын құртты. Түк қалдырмай жойды, қырып жіберді. Тұқымын тұздай құртты. Тып-типыл етті, көзін жойды; түбіне жетті. Тұқымың құрғыр [ құрысын ]! қарғыс сөз. Үрімбұтағың жойылсын, ұрпағың өспесін, басың кемісін! Тұқымың түптесін, қатынның жүктесін! “Тұқымың түптесін” деген “ҮБІРЛІ-ШҮБІРЛІ бол” деген мағынада қолданылады [ Бұл фразалар құрдас, замандас кісілердің әзілі ретінде айтылады ].