СОЗЫЛМАЛЫ
сын есім. 1. Созылғыш, созылуға бейім. 2. ауыспалы мағына. Ұзаққа созылған, созылыңқы. 3. ауыспалы мағына. Сазды, назды. Созылмалы ауру. медициналық. . Жазылуы ұзаққа созылатын ескi ауру. Созылмалы гастрит. медициналық. Аурудың жедел түрінің емделмеудің, тамақтану тәртібінің ұзақ бұзылуының салдарынан пайда болатын асқазан кілегей қабығының қабынуы. Созылмалы конъюнктивит. медициналық. Көздің дәнекер қабығының ұзақ та баяу түрде қабынып ауруы. Созылмалы пневмония. медициналық. Асқынған пневмониядан кейін өкпе тканінің құрылымы мен функциясының толық қалпына келмеуінен, сондай-ақ созылмалы бронхиттің салдарынан болатын ауру.