ШӨМІШ
зат есім. 1. Ас құятын үлкен ожау. 2. техникалық. Экскаватор сияқты мәшинелердің жер қазуда, жүк тиеуде пайдаланылатын тетігі. 3. металлургиялық. Балқыған металл, штейн не қожды бөліп құюға, тасымалдауға, қысқа мерзімге сақтауға арналған болат не шойын ыдыс. Шөміш қағу. этнографиялық. Ерте көктемде әйелдердің ағаш кесіндісінен ойып жасалған шөмішті сыртқа алып шығып қағып, ақ мол болсын, төл аман сау болсын деген ниетпен жасайтын рәсімі. Шөміште тазарту. химиялық. Балқу пешінің өнімділігін арттыру және тазарту процесінде жағдайды жақсарту мақсатында шөміште жүргізілетін тазалау.