ҚАСЫҚ
зат есім. Тамақ ішуге арналып алтын, күміс, қалайы сияқты металдар мен ағаштан жасалған, жіңішке сапты бұйым. Қасық дүре. көнерген сөз. Қасықпен соғып жазалау. Қасық қан мен шыбын жан. Соңғы күші, ақырғы демі, әлдәрмені сарқылдаған күй. Қасық қаны қалғанша. Ақырғы демі біткенше, кеудеден жан шыққанша, көз жұмғанша. Қасық қаны қалғанша шайқасты. Бар күшін салып соғысты, жанын пида етті, аянбады. Қасық қанын қиды. Жанын алып қалуды сұрады, бассауға сұрады, өлімнен құтқарып қалуын өтінді.