АР
1омоним [ араб тілі. ] зат есім. Адамгершілік қасиет, намыс, ұят. Ардан аттады. Адамшылықты, арұятты, сыпайыгершіліктi сақтамады, ахлақ тәртібіне қарсы қылық iстедi. Ардан бездi. Арожданнан, ұяттан айрылды. Ар көрдi [ санады ]. Ұят санады, лайық емес деп ұғынды, намыстанды. Ар құны. тарихи. Арнамысқа тигені үшін төленетін төлем. Ар, намысын жоқтады. Арын, намысын қорғады. Ар тұтты. Арланды, намыстанды. Ары бармады. Ұяты жібермедi, батылы жетпедi, дәтi шыдамады. Арына дақ түсірді. Абыройын төкті. Арына кір шалдырды. Ұят келтірдi, дақ түсірдi. Арынан аттап, бетіне шіркеу салды. Ұятқа қалдырып, атына кір келтірдi, табаға қалдырды. Арын арлады. Кегін кектедi, намысын жыртты, жоғын жоқтады, намысын қорғады. Арын аттады. Намысын қорлады, ұятқа қалдырды, атына кір келтірдi. Арын аяққа басты. Арын сатты, қорлады. Арын былғады. Намысына кір келтірдi. Арын кірге шалдырды. Намысқа кір келтірдi, дақ түсірдi, намысты аяққа бастырды. Арын күзетті. Арұятын, намысын сақтады. Арын сақтады. Намысын қорғады, намысын жібермедi, адамгершілігін сақтады. Арын сатты. Арсыздыққа салынды, ұяттан бездi, адамшылығынан айырылды, ұятқа қарамады. Арын төктi. Ұятқа қалдырды, намысын қорлады. Ары таза. Күнәсіз, бейкүнә, адал. Ары тапшы. Ұятсыз, ардан безген. Ары төгілдi. Намысы қорланды, ұятқа қалды.