ШОТ
1омоним зат есім. 1. Қысқа сапты, жүзі өткір, ағаш шабатын құрал; шапашот. 2. Кетпеннің құдық, ор қазуға арналған, сабы қысқа, кішірек түрі. Шот аяқ. Имиген, қисық аяқ. Шот желке. Желкесі күжірейген. Шот маңдай. Дөңкиген томпақ маңдай.
Значение слова
ШОТ
2омоним зат есім. Есепті тез шығару үшін төртбұрыштап жасалған дөңгелек тастары бар қарапайым есеп құрал; есепшот. Шотқа салды [ соқты ]. Санның есебін шот арқылы шығарды.
ШОТ
3омоним [ орыс тілі. счет ] зат есім. экономикалық. 1. Төленуге тиіс тауарлардың, жұмыстардың, қызметтердің тізбесі көрсетілетін қаржы құжаты. 2. қаржы есептері мен міндеттемелерінің жайкүйі, қолда бар нақты ақшалай қаражат, т.б. көрсетілетін қаржы құжаты. Шоттар корреспонденциясы. Операцияларды екі қайтара жазу, бухгалтерлік шоттарды жүргізу әдісі. Шоттарды оішаулау. қаржы термині. Шетел адамының банктегі шоттарын ол үшін үкімет шараларымен жауып тастау. Шот шифрі. экономикалық. Шот мұқамы.
ШОТ
4омоним зат есім. жергілікті сөз. Есікті іштен іліп қоятын, бекітетін ілгешек, күршек.