САЛАУАТ
1омоним [ араб тілі. ] зат есім. 1. діни. Құран Кәрімдегі бұйрық бойынша пайғамбарға жарылқау, құрмет, құттықтау, дұға тілеу мағынасында арнайы жасалатын құлшылық түрі. 2. сөйлеу. Есен-сау, саламат. 3. ауыспалы мағына. Сән-салтанат. Салауат айтты. діни. а) Мұсылмандық шарты бойынша әр кез аты аталған сайын немесе арнайы еске салу арқылы Мұхаммед пайғамбарға Алладан рақым тілеп, дұға жасады. ә). Намаздың әрбір екінші және соңғы рәкатындағы отырыста оқылуы шарт болып табылатын Мұхаммед пайғамбарға жарылқау, құрмет, рақым тілейтін («ас-Салауат») дұғасын оқыды.