САҚТАНДЫРҒЫШ
зат есім. физикалық. Электр тізбектерін ток күшінің рұқсат етілген мөлшерден асып кетуінен қорғауға арналған тетік. Сақтандырғыш берма. кен ісі. Карьер беткейінің орнықтылығын арттыру үшін және жоғарғы кертпештерден карьер түбіне не төменгі жұмыс горизонттарына таужыныс кесектерінің кездейсоқ түспеуі үшін жасалатын, қорғайтын объектіге іргелес белдеу. Сақтандырғыш жарылғыш заттар. кен ісі. Газ немесе шаң-тозаң қаупі бар шахталарда қолдануға рұқсат етілген, сақтандырғыш сыртқабыішалардағы немесе өзінің құрамында жалын сөндіргіштері бар жарылғыш заттар. Сақтандырғыш клапан. техникалық. Қысымды шамадан тыс өсуден сақтандыру үшін қолданылатын клапан. Сақтандырғыш көзілдірік. Тауға шыққанда көзді жарық және ультракүлгін сәулелерден қорғауға арналған жабдық. Сақтандырғыш қыртыс. кен ісі. Жерасты қазбаларын қоршап тұрған таужыныстардың құлап, басып қалуынан, жерасты суының бұзып кетуінен қорғау үшін пайдалы қазылымның төбеде немесе еденде қалдырылатын бөлігі. Сақтандырғыш сөре. кен ісі. Шахта оқпанына (ең төменгі оқпан албары қазбаларының табан астынан 10–20 м төменірек) ағаштан, металдан, бетоннан жасалынатын сөре. Сақтандырғыш сыртқабыіша. кен ісі. Жалын сөндіргіштер тұратын сыртқабыіша. Сақтандырғыш электрдүмпіткіш. кен ісі. Ауаметанды және газ-тозаңды қоспалардың тұтануын туғызбайтын электрдүмпіткіш.