ШАХТА
[ неміс тілі. Schасht ] зат есім. Жер астынан пайдалы кен қазу жұмыстарын жүзеге асыратын тау-кен кәсіпорны. Шахта алабы. кен ісі. Кенді қазып алуға бөлінген кен орнының бір бөлігі. Шахта алабының шекарасы. кен ісі. Шахта алабының кенорынның басқа бөліктерінен бөліп тұрған үстіңгі беті. Шахта желдеткіштері. кен ісі. Жерасты қазбалар желісі арқылы ауаның, газдың, шаңның жылжытылуын қамтамасыз ететін мәшинелер. Шахта клеттері. кен ісі. Шахта оқпаны бойымен пайдалы қазылым не таужыныс тиелген вагоншаларды көтеріп шығаруға, адамдарды, жабдықтар мен материалдарды көтеріптүсіруге арналған қондырғы. Шахта көлігі. кен ісі. Шахтаның жұмысшыларды, қазылып алынған кенді және басқа заттарды (бекітпе, қопарғыш заттар, құралжабдықтар, мәшинелер т.б.) тасымалдауға арналған көлігі. Шахта құдығы. Қабыpғасын ағашпeн, таспeн, кіpпішпeн, бeтонмeн нeмeсe шeңбepлi тeміpбeтон нeмeсe ceксeуілмeн жәнe т.б. матepиалдаpмeн бeкітіп, xалық мұқтаждығынa пайдаланатын шахта түpіндeгi мexанизмдep көмeгімeн жұмыс істейтін шыңыpаy құдық. Шахта оқпандары. кен ісі. Жер бетіне шықпасы бар, шахта алабы шегіндегі жерасты жұмыстарын қамтуға арналған тік не көлбеу оқпандар, тұрақты тіреулері бар, тік немесе көлбеу қуыс жол. Шахта парашюті. кен ісі. Көтергіш сым арқан үзіліп кеткен жағдайда шахта клеттерін (еңіс көтерілім кезінде – вагоншаларды) ұстап, баяулатып тоқтатуға арналған, автоматты түрде жұмыс істейтін құрылғы. Шахта cулаpы. кен ісі. Пайдалы қазбалаp өндіpy кeзіндe жepасты cулаpының кeң ұңғымалаpғa ағып кeлуінeн құpалатын cулаp.