НӨЛДІК
сын есім. Нөлге тең болатын, ешбір сандық мәні, көрсеткіші жоқ. Нөлдік бүркеме. геологиялық. Қатқан таужыныс қатқабаттарындағы су фазасы мұз фазасына ауысқанда және керісінше, немесе нөлдік температурадағы күшті ылғалданған дисперсиялық грунттарда пайда болатын жылжымалы температуралық тосқауыл немесе бүркеме. Нөлдікдыбыс. физикалық. Абсолют нөлге жақын температурада кванттық сұйықтарда таралатын ерекше текті тербеліс. Нөлдік купон. экономикалық. Корпорацияның дисконттау шарттарымен сатылатын және сатып алушы төлейтін бағаға есептеліп, белгіленген пайызбен шығарылатын, осы міндеттеме сатып алынатын атаулы құны көрсетілетін ақшалай міндететме. Нөлдік сым. физикалық. Үш фазалы айнымалы ток көзі мен тұтынушылардың бейтарап нүктелерін өзара жалғастыратын сым. Нөлдік төлем. экономикалық. Төленбейтін акциялар шығарылымы бұрыннан бар акционерлердің арасына жеңілдікті бағамен таратылатын жай акциялар шығару. Нөлдік энергия. физикалық. Кванттықмеханикалық жүйенің негізгі күйінің энергиясы мен жүйенің потенциалдық энергиясының минимумына сәйкес келетін энергия арасындағы айырма.