ЗІЛ
1омоним зат есім. 1. Ауырлық, салмақ. 2. ауыспалы мағына. Ауыртпалық, қиыншылық, бейнет. 3. ауыспалы мағына. Ашу, ыза, кек; сес, ызғар. Зіл басты. Ауырлық түсті, өзін ауыр сезінді. Зіл батпан. Апауыр, зіл көтерем, қозғалтпайтындай ауыр. Зіл көрсетті. Күш көрсетті, сес қылды. Зіл көтерем. Апауыр, зілдей. Зіл қара тас [ тастай ]. Зіл батпан, өте ауыр, зілмандай. Зіл қара түн. Тастай қараңғы, тымырсық, ауасы ауыр түн. Зіл салды. Сес көрсетті, кәрін төкті. Зіл тастады. Кәрленді, сес қылды, ауыр сөз айтты. Зіл төкті. Кәр төкті, қаһар көрсетті. Зілі қатты. Салмағы ауыр, салдары көп, адамның көңілін жаншып тұратындай, сұмдық.