ЖІГІТТІК
зат есім. 1. Ер адам өмірінің балалықтан, жасөспірім шақтан кейінгі, қызыққа толы кезеңі. 2. Жігітке тән қасиет, жігіт болушылық, жігітшілік. 3. ауыспалы мағына. Ерлік, адамшылық, қайырым дылық. Жігіттік арман. Жастық шақта басым болатын албырт сезім, ізгі мақсат, алыпұшпа көңіл. Жігіттік ғұмыр [ дәурен ]. Қызыққатолы жастық шақ. Жiгіттік дәурен. Жiгіттік кезең, жастық шақ. Жігіттік жас. Адамның бозбалалықтан өтіп, ес тоқтатып, толысатын кезеңі. Жігіттік керуені. поэтикалық. Жастық шақтың өтпелілігі, қызық дәуреннің уақытша екендігі мағынасында. Жігіттік көрсетті. Азаматтық, ерлік жасады. Жігіттік қызығы. Жастықта көрген қызықты, әсерлі оқиғалар, той-думан, ойын-сауық, жетістіктер. Жігіттік мұнары. поэтикалық. Жастық дәуреннің, өмірдің өтпелілігі, дүниенің жалғандығы. Жігіттік раушаны. поэтикалық. Жастықтың қызығы, дәурені. Жігіттік сарқыты. поэтикалық. Жастық шақ өткеннен кейінгі адамның ойында сақталып, жадында қалатын сағыныш сезімі, аңсары. Жiгіттіктің базары. поэтикалық. Жастық шақ. Жігіттік шақ. Жастық жалынға толы жігерлі кез, қызықты дәурен.