ДӘУРЕН
[ араб тілі. ] зат есім. 1. Өмір, заман. 2. экспрессивті. Қызықты, бақытты шақ. 3. ауыспалы мағына. Жастық шақ, уақыт. Дәурен кештi. Кезінде шалқып, тасып, өмірдің қызығын көрдi, рахат тұрмыс құрды. Дәурен [ бастан дәурен ] өттi. Дүниенің қызығы кеттi, басынан жақсы күнi тайды, өттi. Дәурен сүргіздi. Мәпеледi, бағыпқақты, ерекше күттi. Дәурен сүрдi. а) Өмір кештi, тіршілік еттi. ә) Үстемдік еттi, биледi. б) Қызық көрдi. Дәурен шектi. Өмір сүрдi, тіршілік еттi. Дәуренi жеттi. Кезi келдi, заманы туды. Дәурені [ бастан ] көшті. Заманы өтті, бақыты бастан тайды. Дәуренi тайған кез. Заманы өтіп, бағы тайған кез.