ЖҮЗБЕЛІ
сын есім. Жүзіп жүретін. Жүзбелі база. Кемелер құрамаларын (сүңгуір қайықтар, катерлер), су ұшақтарын жөндеу мен күтуге, материалдық және техникалық жағынан қамтамасыз етуге арналған көмекші кеме. Жүзбелі инженерлік мина. әскери сөз. Жүзіп жүрген, аласа және су астындағы көпірлерді, гидротехникалық құрылыстарды құрта алатын, сонымен қатар кемелерді, өткелден өту құралдары мен жүзгіш мәшинелерін жоюға арналған мина. Жүзбелі көпір. су шаруашылық. Паромдықкөпірлік құрылғылардан суда құрастырылатын көпір. Жүзбелі танк. ә с к. Алдын ала дайындықсыз және қосымша жабдықсыз су бөгеттерінен жүзе алатын және жүзіп келе жатып атыс жүргізе алатын ұрыс машинасы. Жүзбелі теңіз минасы. әскери сөз. Гидростатикалық аспаптың және басқа да құрылғылардың көмегімен белгілі бір тереңдікте жүзіп жүретін зәкірсіз мина.