ҒАРЫШТЫҚ
сын есім. Ғарышқа тән, ғарышқа арналған. Ғарыштық аппарат. жаңасөз. Белгілi бір мақсатты орындау үшін ғарышқа ұшырылған әртүрлi техникалық құрылғылардың жалпы аты. Ғарыштық әлем. Жер төңірегіндегi кеңістіктi, жұлдыздар мен т.б. галактикалар кеңістігін қамтитын ғалам, көк аспан. Ғарыштық байланыс. жаңасөз. Жер стансылары мен ғарыштық аппараттар арқылы ақпарат тарату. Ғарыштық барлау. Жердің жасанды серігін жіберу арқылы жүзеге асырылатын барлау. Ғарыштық биология. Ғарыш кеңістігіндегi әртүрлi факторлардың тірi ағзаға әсерін зерттейтін биологияның бір саласы. Ғарыштық жылдамдық. жаңасөз. Ғарыштық аппараттың орбитаға шығу, ғарыш кеңістігінде ұшу сәтінде оның ұшу траекториясының түрін анықтайтын жылдамдығының шектік мәнi. Ғарыштық қару. жаңасөз. Ядролық қаруларды нысанаға жеткізетін, ғарыштық ұшу аппараттарын жоятын, ғарыштық барлау және байланыс жасауды басқаратын ғарыштық аппарат. Ғарыштық құқықтық. құқық Ғарышты зерттеп, пайдалануға қатысы бар мемлекеттердің, сондай-ақ халықаралық ұйымдардың қарымқатынасын реттейтін әрi ғарыш кеңістігi мен аспан денелерін пайдалану режімін айқындайтын құқықтық жосындар жиынтығы, халықаралық құқықтың бір саласы. Ғарыштық сәулелер. физикалық. Жер бетіне ғалам кеңістігінен келетін жоғары энергиялы тұрақты бөлшектер ағыны. Ғарыштық скафандр. астрон. Авариялыққұтқару скафандры. Ғарыштық түсірім. техникалық. Жердi, аспан денелерін, ғарыштық құбылыстарды жер атмосферасынан тыс орнатылған ғарыш аппараттарынан (Жердің жасанды серігi, ғарыш кемесi) түсіру (фотосурет, теледидар т.б.). Ғарыштық ұшу аппараттары. техникалық. Жартылай болса да, ғарыш кеңістігінде, яғни тығыз атмосферасының сыртымен ұшатын ұшу аппараттары (100 кмден жоғары).