ӘДІЛЕТ
[ араб тілі. ] зат есім. қоғ. әлеум. 1. Қоғам өміріндегi адамдық қарым-қатынас, заңмен тәртіп, құқықтар мен міндеттер, қоғамдық, табиғи мүліктің бөлінісi сияқты т.б. әлеумет тік маңызды тіректердің тұрақты қалыптасқан ахлақ нормаларына сәйкестігi. 2. Шындық, дұрыстық, туралық, әділдік. Әділет басқармасы. қоғ. саяси. Сот iсімен айналысатын мемлекеттік мекеме жүйесінің басқару органы. Әділет жолы. бейнелі сөзқолданыс. а ) Әділдіктi ұстанатын, ахлақ нормаларына, адамгершілік талаптарына сай келетін бағыт, тәсіл. ә ) Әділ, тура шешім, дұрыс бағыт, оң ниет. Әділет министрлігi. қоғ. саяси.заң. Сот iсімен айналысатын мемле кеттік мекемелер жүйесін басқаратын мемлекеттің орталық органы. Әділет соты. поэтикалық. Әділдіктің, адамдықтың парқын ажыратып беретін сот. Әділет туы. бейнелі сөзқолданыс. Әділеттi жақтаушылардың символы. Әділет ұраны. поэтикалық. Әділеттіліктi жақтаушы, әділетке шақырушы ұран.