ҰРАН
зат есім. 1. Халықты бір іске жұмылдыру мақсатында айтылатын үндеу, шақыру, дабыл. 2. Үндеу, шақырулар жазылған плакаттар, қағаз немесе көше жазбалары. 3. ауыспалы мағына. Өмірлік ұстанымы, басты қағидат, кредо. Ұран болды. Бір елдің, жұрт немесе топтың рухтандырушысы, басын қосушы, мақтанышы болып, соғысқа шыққанда, бір іске жұмылғанда аруағын шақыру үшін атын ауызға алып атойлайтын сөзге айналды. Ұранға ерді. Бір іске жұртпен бірге жұмылып, шақыруға ерді. Ұран салды. Дабыл қақты, ұрандады, бір іске жұмылуға, бас қосуға шақырды. Ұран тастады. Жұрттың басын қосатындай қысқа, мазмұнды сөз айтып, бір іске жұмылдырды. Ұран шақырды. Жұртты бір іске шақырды, бәрін бір адамдай жұмылдыру үшін ұрандады.