АУДИТОРЛЫҚ
сын есім. қаржы термині. Аудиторға қатысты, аудиторға тән. Аудиторлық қорытынды. қаржы термині. Аудиторлық тапсырыскерге беретін бухгалтерлік, салық және өзге есептің заң актілерi талабына сәйкес келетіндігi туралы деректер, ақпараттар келтірілген ресми құжат. Аудиторлық қызмет. қаржы термині. Аудиторлармен аудиторлық ұйымдардың аудит жүргізу жөніндегi кәсіпкерлік қызметi. Аудиторлық тәуекелдік. қаржы термині. Аудит аяқталып, оң аудиторлық қорытынды берілген немесе берілгеннен кейін қаржы есептемесінде елеулi кемістіктер табылған жағдайда аудитор өзіне алуға әзір тәуекелдіктің субъективтi түрде белгіленген деңгейi. Аудиторлық ұйым. қаржы термині. Ашық сипаттағы акционерлік қоғам мен мемлекеттік кәсіпорынды қоспағанда, заңдарда көзделген кезкелген ұйымдыққұқықтық нысандағы аудиторлық қызметтi жүзеге асыру үшін құрылған заңды тұлға. Аудиторлық фирма. қаржы термині. Кәсіпорындармен шарт негізінде жылдық бухгалтерлік есептердi тексеріп және қуаттайтын шаруашылық есептегi тәуелсіз ұйым.