ҮР
1омоним= етістік. Ерінді қомақтап, «үф» деп, ауыздан күшті дем шығару, үрлеу. Үрген қарындай [ қуықтай ]. Өте семіз, домаланған, тырсиған (адам). Үрген қарын секілді. Керіліп, кербезденіп, дандайсып қалу мағынасында. Үрген қуықтай. Торсиған, бұлтиған; торсықтай. Үрген местей [ тұлыптай ]. Тырсиған, жуан, семіз. Үрген өкпе. саятшылық. құсты жемтік ретінде алдаусырататын ішіне ауа толтырылған өкпе; боз өкпе. Үрерге иті, сығарға биті [ түгі ] жоқ. Ішерге асы, киерге киімі болмады. Үріп ауызға салғандай. Сүп-сүйкімді, өте әдемі. Үріп ішіп, шайқап төкті. Өмірі молшылықта, тоішылықта өтті.