САҚАЛ
зат есім. 1. Еркек адамның иегі мен жағына шығатын түк. 2. ауыспалы мағына. Орта жастан асқан не жасы келген ер адам. 3. ауыспалы мағына. Малдың астыңғы жағы мен иегіне өсетін ұзынша түктері. Сақалға ақ кірді. Қартайды, мосқал тартты. Сақалға шалғырт енді. Сақалына ақ кірді, қартайды. Сақалды беріп шықты [ сақалды қолдан берді ]. Абыройдан айырылды, арұяттан жұрдай болды. Сақал сипады. Бәрінен жұрдай болды, құр алақан қалды, сыпырылып шықты. Сақал сипап қалды. Алданып, құр алақан отырып қалды. Сақал шықты. Жасы келді, есейді, үлкейді. Сақалы белуарына [ беліне ] түсті. Шал болды, қартайды. Сақалы бурылданды. Жасы келді, егде тартты. Сақалы қудай. Сақалы аппақ, қатты қартайған. Сақалымен ойнады. Еркеледі, бұлаңдады. Сақалымның ағы ұрсын! қарғыс сөз. Ақсақалдың қатты ренжіген кездегі айтатын қарғысы. Сақалын алды. Сақалмұртын қырды, қырынды. Сақалын бұлдады. Сақалын сатты, үлкендігін бетке ұстады. Сақалын жұлды. Опық жеді, санын соқты; күйіппісіп ашуланды. Сақалын сатты. Жасы үлкендігін бұлдады, қартайғандығын бетке ұстады. Сақалын сауды [ тарақтады ]. Сақалын қолымен төмен қарай сипады. Сақалын сыйлады. Жасы үлкендігін құрметтеді. Сақалыңның ағы бар, ағалығың тағы бар. Байырғы кезде батырлар жолдасқанда айтылатын сөз. Сақалы өртенді. Үлкен басы ұятқа қалды. Сақалы сапсиды. Жасы ұлғайды, қартайды. Сақалын екі іолдап жұлды. Күйіппісіп ашуланды, өзін жерлей күйіппісті. Сақалы сапсиған. а) Сақалы қауқиып өсіп кеткен. ә) Жасы біразға келген, егде тартқан. Сақалы шығып жат болды. Өсіп, ер жетіп, өзімен-өзі болу мағынасында.