ТІЗІМ
зат есім. 1. Адамның, малмүлік, дүниенің қағаз бетіне рет-ретімен жазылған аты. 2. информатикалық. Объектілер тізімі; өзара логикалық түрде байланысқан жазбалар тізбегі (тізім элементтері) болып саналатын мәліметтер құрылымы. Тізім басқарушысы. информатикалық. Электрондық поштада – пошта тізімінің басқарушысы келіп түскен хабарларды оқып тексеріп, арналған тақырыбына сәйкес материалдарды таңдап алып тізімге қосушы. Тiзімге алды. Атыжөнін қағазға жазды, тіркедi, санады, ескердi, түгендедi. Тізімдерді өңдеу. информатикалық. Тізімдер көмегімен орындалатын операциялар жиыны. Тізімдерді өңдеу тілі. информатикалық. Тізімдер түрінде ұсынылған мәліметтерді өңдеу үшін пайдаланылатын программалау тілі. Тізім процессоры. информатикалық. Тізімдерді өңдеуге арналған бағдарламалау тілі. Тізім тақырыбы. информатикалық. Тізім немесе ішкі тізімнің бастапқы адресінен тұратын жазба.