ҚОТЫР
зат есім. 1. Адам мен хайуандардың терісіне шығатын жұқпалы қышыма ауру. // Денесіне, терісіне қотыр шыққан, қотыр басқан. // Лас, біркелкі емес, былғаныш. // Ауру, арық-тұрық, ақсақ-тоқсақ, барлық мүшесі сау емес (мал). Қотыр бидай. егін шар. Жабайы бидай. Қотыр ешкі секілді. сөйлеу. Қағынып, ұрынарға қара таппай. Қотыр қайың. өсімдік. Қазақстанда ең көп таралған, сыртқы қабығында қара қошқыл түсті бұжыр дақтарыбар, қайың тұқымдасына жататын бірүйлі ағаш немесе бұта түрі. Қотыр майы. Карбол қышқылынан жасалған қотырға жағатын майдың халық арасындағы атауы. Қотыр раушан. өсімдік. Раушангүлдер тұқымдасына жататын бұтасын өсімдік. Қотыр сөз [ тіл ]. а) Жалғаны көп, өтірік сөз. ә) Жанға тигізе айтылатын, біреуге тиісе, біреуді қағыта айтылған қыршаңқы сөз. Қотыр тай да бермеді. Сараңданды, іштарлық жасады. Қотыр там. Қолдан құйған, балшықтан, кірпіштен салынған шатырсыз аласа тоқал үй. Қотыр теке серке болып кетті. бейнелі сөзқолданыс. окказ. Түкке тұрмайтынды жалған сөзбен мақтауын асырды, жоқ нәрсені бар қылып өтірік сөзбен жағынды. Қотыр түйе. Қотыр ауруына шалдыққан түйе. Қотырын қасыды. Жанды жеріне тиді; тигізіп айтты.