ТЕКЕ
зат есім. Ешкі малының екі жастан асқан піштірілмеген еркегі. Теке көз. Аласы басым, адырақ көз. Теке көзді. Ежірейген көзді. Теке мұрын. Текенің мұрнындай, кеңсірігі кең, қоңқиған. Текені әке [ жезде ], ешкіні шеше [ апа ] етіп отыр. Жарамсақтанды, жағымпазданды деген мағынада. Теке сақал. Иекке ғана біткен, шоішиған сақал. Теке сасыған. Бұл жерде жасы келгенше үйленбеген адам туралы айтылып тұр. Теке сүмбіле. Тамыз айының екінші жартысы. Текесі суға кетті ме?. жергілікті сөз. Қимасы қышыды, қатысы жоқ іске кірісті.