КҮМӘНДІ
1омоним сын есім. 1. Дерегі, дәлелі аз, сенімсіз. 2. Даулы, біржақты емес, толық, дұрыс емес. 3. Күдікті, шүбәлі. Күмәнді борыштар. экономикалық. Кәсіпорындардың шарттарында белгіленген мерзімде өтелмеген және тиісті кепілдіктермен қамтамасыз етілмеген дебиторлық берешегі. Күмәнді күндер атқарды. Аман қалу, қалмауы екіталай қиын-қыстау кезеңдерді басынан өткерді. Күмәнді несие. экономикалық. Мерзімінің өту ұзақтығы 60 күннен 90 күнге дейін жеткен несие. Күмәнді талаптар. экономикалық. Өнімді өткізу, жұмыстарды орындау, қызметтерді көрсету нәтижесінде туындаған және табыс алынған сәттен бастап, екі жыл бойына қанағаттандырылмаған (салық салу мақсатында) талаптар немесе үмітсіз борыштар.