КРИМИНАЛИСТІК
сын есім.заң. Криминалистикаға тән, криминалистикаға қатысты. Криминалистік автортану. заң. Криминалистік техниканың саласы, құжаттардың криминалистік идентификациясының құрамдас бөлігі. Криминалистік әдістеме. заң. Қылмыстың жеке түрлерін тергеу әдістемесі. Криминалистік баллистика. заң. Криминалистік техниканың саласы, криминалистік қарутанудың құрамдас бөлігі. Криминалистік болжау. заң. Тергеушінің (сарапшы, маман, сот, прокурор, адвокаттың) тергеудің белгілі бір кезеңдерінде туындаған жағдайларға, жиналған айғақты дәлелдемелерге негізделген қылмыстың түрі, оның болу тетігі және қылмыстың басқа да мәнжайлары жөніндегі ойпікірі. Криминалистік габитоскопия. заң. Адамның бейнесін зерттеп, оны суреттеу бойынша ұсынымдарды дайындайтын криминалистік техниканың саласы. Криминалистік диагностика. заң. Материалдық обúектінің жаратылысын және күйін анықтау. Криминалистік есеп. заң. Криминалистік маңызы бар объектілерді немесе мәліметтерді бекіту, жүйелеу бойынша ғылыми негізделген жүйені білдіретін криминалистік техниканың саласы. Криминалистік жарылыстану. заң. Жарылыс құрылғыларын қолданумен байланысты объектілерді анықтау, бекіту, алу, зерттеу бойынша ұсынымдарды дайындайтын криминалистік техниканың бағыты. Криминалистік идентификация. заң. Криминалистиканың теориялық білімдерінің негізі. Криминалистік коллекция заң. Жедел іздестіру, идентификациялық және диагностикалық мақсатпен әртүрлі нысандарды, үлгілерді (ҚАРУ-ЖАРАҚ, атыс құралы, аяқ киім өкшесінің, қалам сиясының бөліктері және тағы басқа.) жинау. Криминалистік қарутану. заң. Криминалистикалық баллистикадан жәнесуық қаруды зерттеуден құралған криминалистік техника саласы. Криминалистік қолжазбатану. заң. Криминалистік техникада құжаттарды криминалистік зерттеу саласының құрамдас бөлігі. Криминалистік құралдар мен әдістер. заң. Сот зерттеуін жүзеге асыру үшін криминалистика тұрғысында әзірленетін арнаулы аппаратуралар, материалдар, құралсаймандар, әрекет ету тәсілдері. Криминалистік одорология. заң. Зерттеу нысаны иістік іздер болып табылатын, иістік іздерді анықтау, бекіту, алу, зерттеу бойынша ұсынымдар дайындайтын криминалистік техникадағы бағыт. Криминалистік сараптама. заң. Адамды, жануарды, көлік құралдарын, құралжабдықтарды, материалдарды, заттар мен бұйымдарды олардағы немесе бүтіннің бөліктеріндегі бар ізкөріністері бойынша теңдестіру; сондай-ақ теңдестірілмейтін мәселелерді шешу мақсатында заттай дәлелдемелер мен басқадай іс материалдарын зерттеуде криминалистика деректері мен әдістерін пайдаланумен сипатталатын сараптамалар тобы. Криминалистік сәйкестендіру теориясы. заң. Дәлелдеме алу мақсатында объектілерді теңдестірудің (айырудың негізінде, олардың көрінісі бойынша) принциптері, әдістері мен құралдары туралы ілім. Криминалистік тактика. заң. Криминалистиканың бір бөлімі; қылмысты жасауға мүмкіндік туғызатын жағдайларды анықтауға, дәлелдемелерді жинауға, зерттеуге бағытталған жеке тергеу әрекеттерінің тәсілдерін, алдын ала және сот тергеулерін ұйымдастыру және жоспарлау жүргізетін адамдардың ісәрекетін анықтауға ғылыми жағдайлар және оның негізінде оларды жетілдіруге негізделген ұсыныстар жүйесі. Криминалистік техника. заң. Крими налистиканың бір бөлімі; қылмысты ашуда және алдын алуда басқа шаралар мен дәлелдемелерді жинауға, зерттеу мен пайдалануға арналған ғылыми жағдайлар және оның негізінде жетілдірген техникалық әдіс, тәсіл және тәсілдемеліктердің жүйесі. Криминалистік трасология. заң. Криминалистік техника саласы, криминалистік ізтанудың құрамдас бөлігі. Криминалистік тіркеудегі дактилоскопиялық жүйе. заң. Он саусақ, бес саусақ, бір саусақ бойынша жүргізілетін дактилоскопиялық тіркеу жүйесі. Криминалистік ұсыныстар. заң. Тергеу жүргізу кезінде техникалық тәсілдер мен әдістемелерді таңдау мен қолдануға қатысты тәжірибелік және ғылыми тұрғыдан негізделген және мақұлданған кеңестер. Криминалистік фотография және бейнежазба. заң. Криминалистік техниканың саласы. Криминалистік ізтану. заң. Криминалистік техниканың саласы.