КЕТ
= етістік. 1. Бір арадан қашықтау, алыстау, ұзау. 2. Біту, таусылу. 3. Болуға, тұруға тиіс жерінен басқа жерге орын ауыстыру; көшу. 4. ауыспалы мағына. Қайтыс болу, о дүниелік болу. 5. ауыспалы мағына. Асу, толу (адам жасы, уақыт туралы). 6. Айналу, ұқсау. 7. Уақыттың белгілі сағаттан асуы, өтуі. 8. Негізгі етістіктің көсемше түрімен тіркесіп келіп, қимыләрекеттің кенет, бірден болғанын білдіреді. 9. Жүйтку, зымырау, қамшы салдырмау. 10. Жоғалу, құру. 11. Жолға шығу, аттану. 12. Меншігіне, иелігіне өту, өтіп кету. 13. ауыспалы мағына. Ұзау, жету, таусылмау. Кет әрмен. сөйлеу. Жоғал әрi. Кет әрi болмады. Сыртқа теппедi, қарсылық жасамады. Кет әрi емес. Қарсы емес, жек көрмейдi. Кет, жоғал. сөйлеу. Құры, көзіме көрінбе деген мағынадағы сөзқолданыс. Кете барды. Жүре берді, ештемені елең қылмады, ойламады. Кете берді. Жүріп кетті, алыстады. Кетер аяғым, кетпен таяғым. Не қылса да өзіме, әуре болсам өзімнен деген ретте келеді. Кеткен адам. Қол үзген, болдырған, әбден тойған, іргесін аулақ салған адам. Кеткені келіп, кемтігі толды. Бұрынғы төрт құбыласы түгел, мамыра-жай, молшылық дәуір қайта келді. Кетпес байлық. Қазына, кен, өмірбақилық дәулет. Кетпес дақ түскендей. Көңілi, сезімi, ойы т.б. ешқашан бұрынғы тазалығына оралмастай. Кетсін әрі. сөйлеу. Аулақ жүрсін деген мағынада. Кетті де барды. Артына қарайламады, жүріп кетті.