ДӘУЛЕТ
[ араб тілі. ] зат есім. 1. Қоғамның не жеке адамның материалдық игіліктерінің жиынтығы, байлық. 2. ауыспалы мағына. Бақ, ырыс. Дәулетке батты [ кенелдi, жеттi ]. Байыды, дүниемүлкi молықты, тұрмысы көтерілдi. Дәулетке жарымады. Байлық тұрақтамады, байымады. Дәулетке жетті. Байыды, тұрмысы көтерілді. Дәулетке мас болды. Байлыққа масаттанды, кекірейдi, көкірек көтердi. Дәулет бітпес келбетке. Байлық, дәулет өз-өзінен, әрекеттенбей келмейді деген мағынада. Дәулет біттi [ қонды ]. Байыды. Дәулет құсы. Байлық, бақыт. Дәулетi асқан. Байлығы басқадын асып түсетін. Дәулетi бейне шалқар көл. поэтикалық. Дәулеті асыптасыған. Дәулетi жүрдi. Байлығына байлық қосылды, байыды. Дәулеті молықты. Байыды, байлығы асыптасыды. Дәулетi қашты. Кедейлендi, байлығы кеттi. Дәулетi судай тасыды. Байлығы артты, молайды, көбейді. Дәулетi шағын. Тұрмысы орташа, байлығы, дүниесi шектеулi. Дәулетi шайқалды. Бағы қайтты, байлығынан айырылды, тұрмысы нашарлады. Дәулетi шалқыды. Дәулеті асыптасыды, байыды. Дәулеттi басқа тептi. Басына қонған бақты бағаламады. Дәулетіне сәулетi сай. Байлығына тұрмысы сай, жанжағының бәрi келіскен.