Значение слова
КЕС
= етістік. 1. Бір нәрсені өткір құралмен (пышақ, балта, қылыш) тілу, бөлу. 2. Қию, қысқарту. 3. Еркек малдың енін пішу, сылу. // Сүндетке отырғызу. 4. ауыспалы мағына. Межелеп бөлу. 5. ауыспалы мағына. Бір нәрсені басып өту, қию. 6. Бұзу. 7. ауыспалы мағына. Келісу, ұйғару, шешу. 8. ауыспалы мағына. Үкіммен жазаға тарту, соттау. 9. ауыспалы мағына. Берік тұжырымға келу, шешім қабылдау. 10. Бетіне айту, қаймықпау, ойындағысын айта салу. 11. ауыспалы мағына. Тыю, тоқтату, өткізбеу. Кес болады. Кедергі жасайды, тосқауыл болады. Кескен бөренедей. Келсаптай болып, қақайған, состиған. Кескен томардай. Домаланған, жұп-жұмыр. Кессе қан тамбайтын [ шықпас ]. а) Өліп кетсе де сыр айтпайтын қайсар, табанды, шыдамды. ә) Терісі сүйегіне жабысқан арық. б) Түк тамбас сараң. Кесіп айтты. Үзілді-кесілді, турасын айтты. Кесіп айту. Бірден шешімге келу. Кесіп алса, қан шықпайтын. а) Терісі сүйегіне жабысқан, арық. ә) Мейірімсіз, қатал, өте қатты. Кесіп өтті. Көлденеңінен жүріп өтті, тура жол салды. Кесіп салды. Мойнына салды; қарыздар етті. Кесіп тастады. а) Турасын айтып, қайтарып тастады. ә) Алдын бөгеді, бөліп тастады. Кесіп тастау. информатикалық. Берілген шекарадан тыс тұрған кескін бөліктерін жою.