ВЕНЧУРЛІК
сын есім. экономикалық. Венчурге қатысты. Венчурлік [ тәуекелдік ] бизнес. экономикалық. Техникалық, технологиялық жаңалықтарды, әлi тәжірибеден өтпеген ғылым жетістіктерін iс жүзінде қолдануға бағытталған бизнестің түрi. Венчурлік капитал. экономикалық. «Тәуекелдi» жобамен жасалған жаңа технологияны, тауарларды, бұйымдарды игеру үшін бөлінген ұзақ мерзімдік қаржы (инвестиция). Венчурлік кәсіпкерлігi. экономикалық. Пайда табу, кәсіпкерлік және ұйымдастырушылық түсімдi молайту мақса тымен «тәуекелдi» жобаны жүзеге асыру қызметi. Венчурлік [ тәуекелшіл ] кәсіп орындар. экономикалық. Қолданбалы ғылыми зерттеулер жүргізіп, жобаконструкторлық қызметтер орындап, техникалық, технологиялық жаңалықтар енгізумен шұғылданатын шағын кәсіпорындар мен фирмалар. Венчурлік операциялар. экономикалық. Техника жаңалықтарын, ғылыми-техникалық зерттеулердi, өнертабыстарды несиелеу мен қаржыландыруға байланысты ақша және құнды қағаздар операциялары. Венчурлік фирма. экономикалық. Венчурлік (тәуекелдік) капиталды пайдалану негізінде өндірісте өнімнің жаңа түрлерін жасап, игеруге, жаңа технологияларды қолдануға маманданған коммерциялық, ғылыми-техникалық ұйым.