АРҚАЛЫҚ
зат есім. 1. құрылыс. Үйдің төбесіне көлденең салынатын білеу, бел ағаш. 2. Орындықтың және тағы басқа. заттардың арқа тірейтін жерi, сүйенішi. 3. қолөнер. Бесіктің екi басын көтеріп тұратын білеу, қондырғы. 4. географиялық. Таудың сырт жағы. 5. техникалық. Қандай да бір құрылымдардың, құралдың құрылымдық бөліктерінің тіреуішi. 6. кәс. Аудың үстіңгi арқаны. 7. кен ісі. Шеген жүйесін орнықтыландыру үшін қазба бойына орналастырылатын шегеннің жақтаулы элементi. 8. Ұзындығы бір метрдей болатын, диаметрi үш сантиметр шамасындағы өрмек тоқуда қолданылатын таяқ.