1омоним зат есім. 1. Жердің жылдар бойы шөп тамырлары тұтасып өскен құйқалы қабаты. 2. Қора-қопсы қабырғасын тұрғызуға, арық суын бекітуге, жүйектерге су таратуға пайдалану үшін күрекпен, кетпен мен жерден ойып алынған шым кесегі. Шым бұлау. кәс. көнерген сөз. Малдың екi бүйіріне шым қыздырып басып бусандыру тәсілi. Шым үй. Шымнан соғылған баспана.
2омоним: шым болды. жергілікті сөз. Су ыдыстың, яки арықтың ернеуімен бірдей болып толып тұрды.
3омоним сын есім. Тұтас, тұтасқан. Шым кесте. этнографиялық. Тігілетін материалдың ашық жерін қалдырмай немесе ашық орынды өте аз қалдырып, тұтас кестелеу түрі. Шым ши. этнографиялық. Тұтас оралып тоқылған ши түрі; терме ши.
5омоним сын есім. Қоспасыз, таза. Шым алтын. кәс. Қоспасыз, таза алтын. Шым болат. көнерген сөз. Әбден шынықтырылған нағыз болат. Шым жасыл. Жап-жасыл. Шым жібек. көнерген сөз. Таза жібек. Шым қара. жергілікті сөз. Шымқай қара, қап-қара. Шым қараңғы. Қап-қараңғы, көзге түртсе, көрінбейтін, тастай қараңғы. Шым қызыл. Шымқай қызыл, қып-қызыл.
6омоним еліктеуіш сөз. Әлсіз тыз еткен қысқа дыбысты білдіретін сөз. Шым етті. Тітіркеніп кетті, тыз ете қалды.