СЫНЫП
араб тілі. зат есім. педагогикалық. Нақты оқу жылындағы оқушылардың жасына және санына қарай топтастырылған қатары; класс. Сынып белсенділері. педагогикалық. Сыныпта, мектепте, мектептен тыс уақытта, қоғамдық істерді атқаруда белсенділік ісәрекеттер көрсететін оқушылар. Сынып жетекшісі. педагогикалық. Жалпы білім беретін мектепте сабақтан тыс тәрбие жұмыстарын ұйымдастырумен, үйлестірумен және жүргізумен айналысушы ұстаз. Сынып сағаты. педагогикалық. Сынып жетекшісінің сынып оқушыларымен өткізетін тәлім-тәрбие сағаты. Сыныптан тыс жұмыс. педагогикалық. Сабақтан тыс уақытта оқушының білімін тереңдетіп, біліктілігін арттыру, сонымен қатар бос уақыттарын саналы және белсенді өткізу мақсатында жүргізілетін жұмыс. Сыныптан тыс оқу. Оқу бағдарламаларына сәйкес немесе оқушының тілегі бойынша әдеби шығармаларды оқып, талдау.