ТОС
= етістік. 1. Біреуді не бір нәрсені күту. 2. Бір нәрсенің алдын бөгеу, тосқауыл жасау, тоқтату. 3. Бір нәрсені қалқалау, жолына кесе көлденең қою. 4. Бір нәрсені беру, ұсыну. 5. ауыспалы мағына. Баланы дәретке отырғызу. Тосып алды. Шын ықыласпен қарсы алды. Тосып алу. әскери сөз. Тасаланған нысандарға әуе қарсыласын жібермеу мақсатында оларға қарсы жойғыш ұшақтардың (жойғыштар тобының) ұшуы. Тосып алу аймағы. әскери сөз. Әуе кеңістігі шегінде жойғыштың экипажы әуе нысанасын көзден жоятын аймақ. Тосып алуды автоматты басқару құралдары. әскери сөз. Қарсыластың ұшақтарын тосып алуды басқаруға, ӘШҚҚ жүйесінің радиолокациялық станцияларынан түсетін хабарларды автоматты (электрондық есептегіш машиналармен) өңдеуге арналған радиоэлектрондық құралдар кешені. Тосып жойғыш ұшақ. әскери сөз. Төмен және барынша жоғары биіктікте, дыбысқа дейінгі және дыбыстан ұшқыр жылдамдықта ұшатын әуе нысаналарын жоюға арналған, ауа райының қандай жағдайына болсын арнайы жабдықталған, тосып жойғыш ұшақ. Тосып алу шебі. әскери сөз. Жойғыштар авиациясы әуе қарсыласын тосып алып жоятын шеп.