WONDER WORDS · Казахский язык

сан

Значение слова

САН

1омоним зат есім. анатомиялық. Мал мен жабайы аңдардың артқы аяғының тірсегіне дейінгі, адам аяғының тізесіне дейінгі бөлігі. Сан бұзу. Сан жіліктерін тиесілі етімен бірге бөлшектеу. Сан еті. Жан-жануар мен құс санының кесек еті. Сан жіліктері. Малдың бөксесі немесе артқы аяғын, санын құрайтын үш жіліктің – асық жілік, ортан жілік, жамбас жіліктің жалпылама атауы. Санын соқты [ ұрды ]. а) Алданды, өкініште қалды, опық жеді. ә) паралингв. Бір нәрседен кешігіп қалғанда, уақыты өтіп кеткенін білгенде санын бір соғып білдіретін қимылишарат. Санын шапақтады [ шапаттады ]. а) паралингв. қатты қуанғанын екі санын шапақтап білдіретін қимылишарат. ә) ауыспалы мағына. Қатты күшейді, үдеді, құтырынды.

САН

2омоним зат есім. 1. Белгілі бір заттың, құбылыстың есеп мөлшері. 2. математикалық. Математиканың негізгі ұғымдарының бірі. 3. Есеп мөлшерінің таңбалау, жазу белгісі. 4. көнерген сөз. Мың деген мағынада. 5. ауыспалы мағына. Газетжурналдың нөмірі. // Өте көп, қыруар. 6. ауыспалы мағына. Түгелін, бәрін деген мағынада жиынтық атау ретінде қолданылады. 7. ауыспалы мағына. Талай рет, бірнеше мәрте. 8. ауыспалы мағына. Қатары, санаты. 9. ауыспалы мағына. Неше түрлі, сан алуан. Сан алуан [ қилы, қырлы ]. Әртүрлі, толып жатқан. Санға алмады [ қосылмады ]. Ескермеді, есепке кірмеді. Санға кірді [ қосылды, ілікті ]. Дәрежесі теңеліп, қатарға жетті. Сан ғасыр. Талай уақыт, әлденеше жүз жыл. Санда бар, санатта жоқ. Есепте болғанымен, еске алынбайды деген мағынада. Сандар теориясы. математикалық. Математиканың бүтін, рационал және алгебралық сандардың қасиеттерін зерттейтін саласы. Сан жетпейді. а) Қымбат, өте құнды деген мағынада. ә) Есепсіз, көп. Сан жеткісіз. а) Есепсіз, қисапсыз көп. ә) Алуан түрлі. Сан есімдік. лингвистикалық. Заттың санын, ретін, есебін білдіретін сөз табы. Сан көбейтті. Адам санын арттырып, босқа жүрді. Сан қабат. Әлденеше рет, қайта-қайта. Сан қилы. Неше алуан, сан түрлі. Сан құбылды. Әлденеше рет өзгерді, түрленді. Сан мәрте. Талай рет. Сан миллион. Өте көп. Сан модулі. информатикалық. Берілген санның абсолюттік мәні. Сан мөлшерінің өзгеруі. экологиялық. а) Мекендеушілер түрінің тығыздығының (организмдердің санының) өзгеруі. ә) Жүйелік категория немесе аумақ ішіндегі организмдердің жалпы санының тұрақсыздануы. Сан рет [ дүркін, мәрте ]. Талай, әлденеше. Сан саққа жүгіртті. Алуан түрлі айып тақты, кінәлады. Сан тиді. Теңдік алып, санатқа ілікті. Сан тимеске сан тиді. Атақ, дәреже, құрметке ие болу мағынасында. Сан түрлі. Алуан түрлі, әртарап. Сан ұрпақ. Бірнеше ұрпақ. Саны жоқ. Өте көп, есепсіз. Санын алды. Санап, есепке алды.