ӨС
= етістік. 1. Өсімдіктің жанжаққа тамырын таратып, бойы ұзарып, жапырақ жайып өнуі. 2. Адамның есеюі, ержету. // Жас кезін, балалық шағын белгілі бір жерде өткізу. 3. Жан-жануар төлінің үлкеюі. 4. Саны, көлемі жағынан арту, молаю, көбею. 5. ауыспалы мағына. Қызмет дәрежесінің, атақ лауазымының жоғарылауы. 6. ауыспалы мағына. Алға басу, даму, өркендеу, ілгерілеу; көркею, гүлдеу. Өсе келе. Дами келе, қалыптаса келе; өскен сайын. Өспей өндіршегің үзілгір! қарғыс сөз. Қыршын кет, жастай кет; өсіп береке таптырмассың, одан да өл де қал деген мағынада. Өспейтін жігіт. Ісі өнбейтін, сөзінде пәтуа жоқ, бос әурешілікке салынып жүретін, жалқаулыққа бейім, ішер ас, киер киімге жарымайтын, енжар, босбелбеу жігіт.