НЕКЕ
1омоним [ араб тілі. ] зат есім. Жаңа үйленген адамдардың ерлі-зайыпты болғандығын ресми түрде заңдандыру ісі. Неке бұзды. Ажырасты, айырылысты. Неке дұғасы. діни. Шариғат бойынша отасу, некелесу ресімінде оқылатын сүре, аят, тілексөз. Неке жүзігі [ сақинасы ]. Жаңа үйленуші ерлі-зайыпты адамдардың сүйіспеншілік, махаббаттың, адалдықтың белгісі ретінде бір-бірінің қолына тағатын (өзара сыйға тартатын) зергерлік бұйым. Неке куәлігі [ қағазы ]. Жұбайлардың некеленгендігін білдіретін ресми құжат. Неке қиғызу. а) діни. Молдаға некесін қидыру, алдын ала белгіленген екi адамды куәға ала отырып неке суын iшкізіп, Құран аяттарын оқытқызып, үйленетін жастардың бірбіріне адал болуына ант алғызу рәсімi. ә) Жұбайлардың тұрмыс құрғандығын ресми түрде заңдандыру. Неке қидыру. діни. Молдаға некесін қидыру, алдын ала белгіленген екi адамды куәға ала отырып неке суын iшкізіп, Құран аяттарын оқытқызып, үйленетін жастардың бірбіріне адал болуына ант алғызу рәсімi. Неке сарайы. Жас жұбайлардыњ бір-біріне қосылғандығы туралы дестүрлі жоралғыны өткізетін салтанат орны, ғимарат. Неке суы. діни. а) Ескі салт бойынша, неке оқылғаннан кейін ерлізайыптыларға ауыз тиюге беретін су. а) Молда үйленетін екi адамды алдын ала белгіленген екi жігіттi куәге тарта отырып, оларға неке суын iшкізіп, олардан бірбіріне адалболуына ант алып, Құран аяттарын оқыды. ә) Некесі қиылды. Некелесті, некеге тұрды, заңды түрде ерлі-зайыпты болып қосылды.