ШАРИҒАТ
[ араб тілі. ] зат есім.діни. Мұсылмандардың иманын айқындап, адамгершілік мұраттары мен діни ұжданын қалыптастыратын, сондай-ақ олардың мінезқұлқын реттеуші нақтылы өлшемдер бастауы болып табылатын, Құран Кәрім және сунна арқылы пысықталған нұсқаулар жиынтығы. Шариғат бұзды. діни. Мұсылмандық ережелеріне қайшы келді. Шариғат жолын тұтты. діни. Дін (ислам) қағидаларын сақтады. Шариғатқа сыймады. діни. Ислам ережесіне сай келмеді. Шариғатпен кескен бармақ ауырмас. Ақылдасып, келісіп жасаған iс пайдалы болмақ. Шариғаттың бұйрығы. діни. Шариғаттың жолы, тура жол.