1омоним зат есім. 1. Жабайы, тағы аң; киік, бөкен. 2. Киіктің жас лағы. 3. ауыспалы мағына. Сүйкімді, көрікті, тым әдемі, сұлу қыз. Құралайды көзге атқан. Атқан оғы дөп тиетін, қас мерген. Құралайдың көзіне дәл қадайтын. Қадаған жеріне дәл тигізетін; қас мерген. Құралайдың көзінен өтетін. Дәл, тура, дөп тиетін (мылтық). Құралай көз. Құралайдың көзi сияқты, мөлдіреген, әдемі, мойыл көз.
2омоним зат есім. этнографиялық. Май айының екінші жартысында болатын 8–10 күндей жауынды-шашынды мезгіл; амал. Құралайдың салқыны [ суығы ]. этнографиялық. Мамыр айының орта шенінде басталып, бесжеті күнге созылатын қара суық; халық күнтізбесіндегі жеті амалдың бірі [ Осы кезде көктемгі салқын түсіп, қар жауады. Киіктер төлдеп, құралайының кіндігі мұзға жабысып түсіп қалады, қазақтың есепшілері текебұрқылдақ амалы текелердің шағылысатын кезіне қарап, құралайдың салқыны амалының уақытын дәл анықтап отырған ].