ҚАНЖЫҒА
зат есім. этнографиялық. Ер қапталының артқы жағынан өткізілген, бөктерген заттарды байлайтын ұзынша таспа қайыс бау. Қанжығаға байлады [ бөктерді ]. а) Қанжығаға бекітіп алды. ә) бейнелі сөзқолданыс. Билеп алды, баурап алды. б) Сыйға тартты, сыйлады. â) Олжалады, жеңдi. Қанжығаға байланды [ қанжығада кетті ] а) Қанжығасына бекітілді [ Көне салт бойынша аңшы немесе жауын шапқан батыр қолға түсірген олжасын өз жеңісінің көрінісі ретінде қанжығаға байлап әкелген ]. ә) Ықпалында кетті; шылауында кетті; жаудың олжасына айналды. Қанжығаға қанды басты байлады. Жауды жеңді, жауыздан кек алды. Қанжығада жүрді. а) Жанында бірге болды, қасында жүрді. ә) Тәуелді болды, ықпалында болды. Қанжығада көрісті [ кездесті ]. Қысылтаяң, егесті жерде жолықты. Қанжығадан қан кешті. Аянбай жауласты, кескілесіп соғысты. Қанжыға қағысты. Соғысты, ұрысты. Қанжығалас болды. Бірге болды, алысберістігі бар үзеңгілес болды. Қанжыға майланды [ қанданды ]. Олжалы болды (аңшының сәтті сапары туралы айтылады). Қанжығаң қан болсын. тілексөз. алғыс сөз. Жауға өктем болу, дұшпанды жеңіп шығу мағынасында. Қанжығаң құтты болсын. а л ғ. Жаудан олжалы оралғайсың деген мағынадағы сөз. Қанжығаң майлана берсін [ майлансын ]. тілексөз. Табысқа кенел, олжалы бол деген мағынадағы тілек сөз. Қанжығаң майлансын [ қандансын ]. тілексөз. Аң көп ілінсін, олжалы бол. Қанжығасы құрғамады. Аңнаң үнемі олжалы қайтты, бос келген күні болмады; аңқұс алып, олжалы болды. Қанжығасы майланды. а) Аңға шыққан адамғаолжа ілікті. ә) Олжаға кенелді, табыс түсті. Қанжығасына қыстырылды. Біреуге олжа болды; иелігінде кетті. Қанжығасынан қан аққан ұры. Қандықол кәнігі жылқы ұрысы. Қанжығасында кетті [ жүрді ]. а) Біреуге жем болды, олжаланды. ә) Ықпалында, шылауында болды. Қанжығасын қандады. Жауды ойсырата жеңді, қырды.