ОЛЖА
зат есім. 1. Ойламаған, күтпеген жерде пайда болған кіріс. 2. ауыспалы мағына. Тиімді, жағымды, пайдалы нәрсе, іс т.б. 3. этнографиялық. көнерген сөз. Соғыстан түсетін пайда. 4. Тапқан табысы. Олжа бала. Әкесіз туған сәби. Олжа берді. этнографиялық. Соғысқаны үшін жауынгерге соғыстан түскен пайдадан, салымнан енші берді. Олжа болды. Пайдаланды, пайда етті, өз пайдасына алды. Олжаға [ шаш етектен ] батты. Байлыққа кенелдi, қарық болды. Олжаға [ белшесінен ] батты [ байыды, кенелді ]. Қарық болды. Олжаға түсті. Қолға түсіп, тұтқын болып келді. Олжа етті. Пайда қылды, олжалады. Олжа қылды. Пайдаланып кетті, қажетке жаратты. Олжадан қалды. Пайдадан, көздегенінен айырылды. Олжаны ортаға салды. Түскен кірісті, тапқан табысты бөлісті. Олжа салды. а) этнографиялық. Қарсы жақты жеңіп, тізілген бәйгені, басқа да дүниені иеленді. ә) Қарсы жақты жеңгені үшін талабы бойынша бәйгені не басқа дүниені алу. б) Олжалы болды, олжа әкелді. Олжа тапты. Пайда көрді. Олжа түсірді. Кіріс кіргізді, түсім келтірді.