ИНФОРМАЦИЯЛЫҚ
сын есім. 1. Ақпараттық (хабарлаушы, хабар таратушы). 2. информатикалық. Ақпараттық (мәліметтер, деректер жиынтығына қатысты). Информациялық қоғам. қоғ. саяси. Ақпараттық қоғам (қызмет көрсету, ғылым, білім салалары жеткілікті рөл атқаратын, ал әрекеттің негізгі объектісі ақпарат (информация) алмасу болатын қоғам дамуының жаңа кезеңі туралы концепция). Информациялық лингвистика. Ақпараттық лингвистика. Информациялық мәшине. техникалық. Ақпараттық мәшине (ақпаратты сақтау, өңдеу, іздеу процестерін механикаландыруға және автоматтандыруға арналған есептеуіш мәшине). Информациялық тілдер. лингвистикалық. Ақпараттықізденістік бағдарламалау тілдері т.б. интеллектуалды жүйеде ақпаратты өңдеу үшін қолданылатын жасанды тілдердің бір түрі. Информациялық тілдің сөздігі. информатикалық. Мәтіннің негізгі мағынасына тәуелсіз табиғи немесе ақпараттық тілдің сөздерінің арасында бар болатын семантикалық қатынастары көрсетілген ақпараттық тілдің лексикалық бірліктері бар нормативтік сөздік.