ЗУМПФ
[ неміс тілі. Sumpf ] зат есім. техникалық. 1. Оқпан бойымен аққан судың жиналуына және көтергіш ыдыстарды (скип немесе көп қабатты клетті) орналастыруға арналған ең төменгі горизонт табанынан төмен жүргізілген оқпанның түбі. 2. Су, көмір немесе таужыныс жиналатын бетоннан немесе металдан жасалған ыдыс. 3. Су немесе су қоспасын (мыс., гидромеханикаландыру кезінде) жинау үшін таужыныстарда орнатылатын сыйымдылық. 4. Барлау бұрғылауында бұрғылау алаңшасында ашылған онша терең емес түріндегі жуу ерітінділеріне арналған тұндырғыш. 5. Қорамда тіреушігінің төменгі бөлігінде металл ағымының соққысын бәсеңдетуге арналып жасалған ойық.