ШОЛҒЫН
зат есім. 1. Жау әрекетін шолу, барлау ісі. 2. әскери сөз. Қарсылас, жергілікті жер, радиациялық және химиялық жағдайлар туралы мәлімет табу, қорғаныстағы әскерлерге тұтқиылдан шабуыл жасатпау мақсатында бөлімшелер мен бөлімдерден жіберілетін барлау органы немесе жорық қызметі. Шолғын бөлімше. әскери сөз. Бөлімшелерден жіберілген, негізгі күштен бөлек әскери тапсырмаларды орындайтын, барлау жүргізетін әскери барлау органы, взводтан жіберілген жаяу застава немесе негізгі шолғын құрамындағы әскери күзет органы. Шолғын мәшинесі. әскери сөз. Қарсыласты тауып анықтау мақсатында жергілікті жерді, жергілікті заттарды байқап қарау үшін барлау жүргізетін, басқа да міндеттерді орындайтын бөлімшелерден жіберілетін мәшине.