ХРОМОСОМА
[ грек тілі. сhrоma – рең, бояу, sоma – дене ] зат есім. биологиялық. Жасуша ядросында болатын, гендерді тасымалдайтын және ағзалар мен жасушалардың тұқым қуалайтын қасиеттерін анықтайтын органоидтер [ Жыныс жасушаларында сыңар, яғни гаплоидті болса, басқа жасушаларда диплоидті – жұп болады. Басқаша айтқанда, құрамында гендер болатын және генетикалық ақпаратты сақтау мен тасымалдау қызметін атқаратын ДНҚ-ның үлкен молекулалары ]. Хромосома конъюгациясы. биологиялық. Гомологтық хромосомалардың уақытша жұптасқан айқасы. Хромосомалар жиынтығы. биологиялық. Белгілі бір организмнің жасушаларына тән хромосома жиынтығы [ Бұл екі типті: гаплоидті – жыныс жасушаларында (п) және диплоидті – дене жасушаларында (2п) болып келеді. Мысалы, адамның жыныс жасушасында 23 (п), ал дене жасушасында 46 (2п ) хромосома болады ].