ҚАЛМАҚ
зат есім. Қалмақ Республикасының негізгі тұрғын халқы. Қалмақ басқыр. көнерген сөз. қарғыс сөз. Қалмақ жаулап алсын, күнің қалмаққа қарап қалсын деген мағынада. Қалмақ жүріс. Еш жерге тоқтамайтын, аялдамайтын жортуыл жүріс. Қалмақ сиыр. ірі қараның етті тұқымы, негізінен, қалмақ жерінен тараған сиыр тұқымы. Қалмақ түйесі. түйе шаруашылық. Қосөркешті түйе ішіндегі ең ірі тұқымы. Қалмақ тілі. Алтай тілдері шоғырының моңғол тілдері бұтағының батыс тобына жататын қалмақ халқының тілі. Қалмақ үй. Қалмақтардың шаңырағы шағын, уықтары түзу келген киіз үйі.